الكلمات :
الله واكبر نرددها نرددها
الله واكبر بنادقنا نوكدها
وارحوانا في سبيل الله نوردها
الدين لله ،،، والعزّه لخو نوره
لا شبت الفتنه وشبت فتايلها
واعداء رسول الله اذتنا ختايلها
نثبت على الحقّ ، والحرب لقتايلها
ونوحد الجيش ، والرايه لخو نوره
هذا الوطن رايته ب العز خفاقه
اشراقته عندنا ما مثلها اشراقه
ما اقدر على بعده وما اقدر على فراقه
ما يشرح الخاطر الا دار اخو نوره
هذا الوطن والمليك اغلى من عيوني
محبةٍ ثابته لو كان تدروني
ارض الحرمين حيوها وحيوني
الله يعزّ الوطن ويعز اخو نوره
النور مبعوث من مكه ومن طيبه
والشعب فيه الولا والحب والطيبه
على كتابه الله وشرعه مكاتيبه
الشرع محفوظ في دستور اخو نوره
وان قالوا المعركة شبّت ونادتنا
ضرب الجماجم بحدّ السيف عادتنا
الله يعزّ الوطن ويعزّ قادتنا
الخصم مدحور ،،، والعزّه ل اخو نوره
نموت دون الملك ومحمد محمد
ولي عهد الملك سلمان ومعمّد
سيفٍ على سطوة الحكام ما غمّد
يقلط على الموت لأمن سمع اخو نوره
واليوم هذا يشاركنا تفاخرنا
من حقنا للسما نرفع مناخرنا
لعيال عبدالعزيز الله مصخرنا
والله ما نسمع الا قول اخو نوره
رمز الفخر ، يوم توحيد السعوديه
رمز الفخر ، فرحته ماهي بعاديه
حب الوطن ، يصنع قلوب حديده
في طاعة الله ، ثم تدبير اخو نوره
شيلات -> عبدالله ال مخلص -> شيلة رمز الفخر 
صفحة عبدالله ال مخلص